وش بيبقى ؟

السلام عليكم
صبحكم الله بالخير
لقيت وقت قبل الدوام قلت خلني اشوف وش اخبارهم
على فصلات غبرى بس مو مهم
نخش بالموضوع

الحين المصريين القدامى كانو شي خرافي بالبداع والعلوم والتقنيات
وشوي شوي انتهو وخلصو وفنو
وكم من حضاره فنت
الرومانيه
البيزنطيه
الاشوريه
والمايا
انكور
شعوب وامم فينيش
بح
مابقى غير مواعينهم وبعض مقتنياتهم

السؤال
حنا الحين بالسعوديه الان الان
نمثل جزء او لمحه
او امتداد لحظاره اسلاميه
( عريقه )
وحطو خطين تحت عريقه هذي
ماتشوفون بدينا نتحلحل

اللي يقول عولمه
واللي يقول اخر الزمن
واللي يقول فضائيات

بالاجماع نتفق ان هناك تغير
صغير او طفيف ابسيط

لكنه موجود
يوم ورى يوم
سنه بعد سنه
جيل بعد جيل

( عز الله غدينا زلطه )

كنت من كم يوم مع الاهل جالس وانفتح موضوع قياده المرأه وبدينا نفصفص بالموضوع
ابوي وامي يقولون مسسسسسسسسسسسسستحيل تسوق واعطو اسبابهم
لكن انا كجيل بعدهم اقول كل شي جايز ؟
اتوقع وشبه متاكد ان ولدي وبعدين اذا جاء وكبر يقول ليش لا من حقها
وولده بيجيب لبنته هديه نجاحها من الثنوي سياره !
هذا تسلسل فكري محافظ بعائله محافظه

طيب اذا صرنا حنا بمكانهم اباء وامهات
ويازيننا من اباء وامهات
ههههههههههههههههههه
( مو من صالح عيالنا )
ههههههههههه

وش ناخذ من افكارهم ووش نخللي
عشان حاجتين

1 - نبطىء التغير اللي قبل شوي تطرقناله بين الاجيال
( وراح يودينا للهاويه كحضاره اسلاميه, ويفنينا كغيرنا من الحظارات )

2 - نوصل الافكار السليمه بعقول اولادنا حتى نمتد فكريا اكثر من جيل
مثل اللي يصف قصب
اخر القصبه الاولى باول الثانيه واخر الثانيه باول الثالثه
يكون مجموع القصب حقى اقرب للاستقامه من اننا نرميهم عشوائي

في الختام
صدق الرسول الكريم بقوله

تقوم الساعه على شرار القوم

واخر القابض على دينه كالقابض على الجمر

سوشي ولي معكم وقفه
الى اللقاء